Prezidenti İlham Əliyev yanvarın 20-də Davosda Çinin CGTN (China Global Television Network) telekanalına müsahibə verib. Ölkə başçısı müsahibəsində Azərbaycanın indiki vəziyyəti və gələcəkdə həyata keçircəyi layihələr barədə maraqlı məqamlara toxunub.
Bir dövlətin maraqlarının qorunmasında vacib olan amili
"Azərbaycanın öz milli maraqlarını müdafiə edən və bütün dünyada yaxşı əlaqələr
quran ölkə kimi nümunəsi onu göstərir ki, cəmiyyətdə sabitlik, birlik varsa,
siz öz maraqlarınızı müdafiə edə bilərsiniz" fikri ilə əsaslandıran
Prezident COP29 tədbirinə ev yüksək səviyyədə ev sahibliyi etməyi nümunəvi
hadislərdən biri kimi dəyərləndirib və bildirib ki, təxminən 200 ölkəni bir
araya gətirən İqlim konfransına ev sahibliyi etmək böyük çağırış, böyük məsuliyyət,
eyni zamanda, böyük nailiyyət idi.
Azərbaycan bu işin öhdəsindən uğurla gəldi. Əlbəttə ölkənin
uğurlarını həzm edə bilməyən imperialist təfəkkürlü ölkələr də var. Elə o ölkələrin
obyektivlikdən uzaq davranışının nəticəsidir ki, Az'rbaycan Ümumdünya Ticarət Təşkilatının
üzv ola bilməyib. Prezident deyib: "Proteksionizm, ikili standartlar,
tariflər - bütün bunlar Ümumdünya Ticarət Təşkilatının təməl dəyərlərinə
ziddir".
Ölkə başçısı əlavə olaraq vurğulayıb ki, biz təkcə
Ümumdünya Ticarət Təşkilatına deyil, müxtəlif beynəlxalq təşkilatlara qoşulma məsələsi
daxil olmaqla Çin ilə tərəfdaşlığımızın genişləndirilməsini arzulayırıq.
Azərbaycanın artıq müasir nəqliyyat infrastrukturu ilə Şərqdən
Qərbə gedən yol üzərində yerləşdiyini xatırladan ölkə başçısı Qlobal Cənubun
tamamilə obyektiv olaraq dünyanın ən zəngin ölkələrindən daha çox dəstək gözlədiyini
söyləyib.
İlham Əliyev rəhbəri olduğu ölkəsinin böyük uğurlarına səbəb olan faktlardan bir neçəsini qeyd edərək bildirib: “Sabit iqtisadiyyat qurmuşuq, sabit siyasi sistemimiz var, insanların yaşayış səviyyəsini yaxşılaşdıran çoxlu sosial proqramlar həyata keçiririk, yoxsulluq səviyyəsini təxminən 5 faizə endirməyə nail olmuşuq və müxtəlif beynəlxalq aktorlarla güclü tərəfdaşlıq və əlaqələrlə biz müəyyən vasitəçi rolunu oynayırıq”.
İdeologiya, iqtisadiyyat və milli ideyalar - bunlar
hamısı birlikdə Azərbaycanın bizim layiq olduğumuz yerə gətirib çıxardığını
diqqətə çatdırıb.
Bir çöx cəmiyyətlərin müqavimətlərinin səbəbini imperialist
keçmişi olan ölkələrin davranışları ilə əlaqələndirən Prezident onların müdaxilə
etməyə, dominantlıq etməyə, diktə etməyə davam etmək istədiklərini, bu səbəbdən
təbii müqavimətlə üzləşdiklərini deyib.
İlham Əliyev Azərbaycanla ABŞ-ın yeni qurulacaq münsibətlərindən
söz açıb: “Biz gözləyirik ki, ABŞ-Azərbaycan münasibətlərində itirilmiş illər
hesab etdiyimiz bu 4 il artıq tarixə qovuşacaq və biz yenidən başlayacağıq”.
Dünyanı böyük təhlükələrin caynağından qurtarmaq olarmı?
Prezident dünyanın təhlükəsizlik içərisində yaşamaq ehtimalının böyük olduğunu
açıqlayıb: “Prezident Trampın ilk prezidentliyi dövründə ABŞ heç bir müharibəyə
başlamadı. Əgər ABŞ-ın ən azı bir neçə onilliklər ərzində tarixinə nəzər
salsaq, bu, nadir bir təcrübə idi. Azərbaycana gəlincə, biz əminik və nikbin
fikirdəyik”.
Çin və ABŞ rəhbərlərinin yenidən təmaslar qurmaq istəklərini
isə ölkə başçısı dünya üçün çox yaxşı bir xəbər kimi dəyəriləndirib.
Sədr Si Cinpinin “Bir kəmər, bir yol” təşəbbüsünün bütün
ölkələr üçün əlavə imkanlar yaradacağını bildirən Prezident Azərbaycandan olan
yerli şirkətlərin Çin texnologiyasından istifadə etdiklərini xatırladıb: “Günəş
panelləri Çində istehsal olunur. İndi bizim heyətlərimiz enerjinin tədarükü
imkanları üzərində işləyirlər və biz ən yaxşı batareyaların Çində istehsal
olunduğunu müəyyən etmişik. Mən bu möhtəşəm uğur münasibətilə Çin
istehsalçılarını təbrik edirəm. Çünki burada söhbət məhsulun keyfiyyəti və qiymətindən
gedir. Heç kim bu rəqabəti apara bilmir".
Müsahibədə enerji kabelinin çəkilməsindən söz açan İlham Əliyev COP29-da Azərbaycan, Qazaxıstan və Özbəkistan arasında Xəzər dənizinin dibi ilə belə bir kabelinin çəkilməsi barədə müqavilə imzalandığını diqqətə çatdırıb: “Beləliklə, biz Mərkəzi Asiya ilə Azərbaycanı və potensial olaraq Çini enerji kabeli ilə bir-biri ilə bağlayacağıq. Digər bir layihədə belə bir kabel xətti Qara dənizin dibi ilə Azərbaycandan Avropaya uzanacaq”.
Azərabycanla Çin arasında olan münasibətin xalqlar səviyyəsinə
yüksəldiyi də müsahibədən bird aha aydın olur. “Çin vətəndaşları heç elektron
viza üçün də müraciət etmək məcburiyyətində deyillər. Ümidvarıq ki, tezliklə Azərbaycan
vətəndaşları da bu fürsətdən yararlanacaq” – Prezident belə deyib.
Müsahibədə liderlik xüsusuiyyətləri və onların tətbiqi
mövzusunda danışan İlham Əliyev liderin həmişə öz xalqına, öz əhalisinə münasibətdə
ədalətli olmasının vacibliyini vurğulayıb: “Heç vaxt xalqına yalan
danışmamalısan və xalq bunu yüksək qiymətləndirəcək. Bəzən müəyyən siyasi səbəblər
üzündən hakimiyyətə can atan liderlər çoxlu vədlər verir və sonra onları yerinə
yetirmir və bu da məyusluğa, inamsızlığa gətirib çıxarır. Bu, dünyanın müxtəlif
yerlərində siyasi böhrana gətirib çıxarır. İctimaiyyətin dəstəyini əldə etmək
istəyən liderlərə məsləhətim o olardı ki, həmişə həqiqəti söyləyin və beynəlxalq
təzyiqdən, beynəlxalq mediadan asılı olmayaraq, haqqınızda nə dediklərindən,
sizi necə adlandırdıqlarından, sizi necə təhqir etmələrindən asılı olmayaraq,
ölkəniz üçün doğru olanı edin”.
Azərbaycan kimi. Azərbaycanlıların dövlətə olan münasibətləri
kimi. Səmimiyyət haqqın qələbəsinin açarıdır.
Ölkə başçısı xalqına həmişə doğrunu dedi. Bu da nəticə.
Prezident müsahibəsində nəticəni belə dəyərləndirib: “17 il hakimiyyətdə
olandan sonra biz, nəhayət, vəd etdiklərimizi yerinə yetirdik və
suverenliyimizi, ərazi bütövlüyünü və ləyaqətimizi bərpa etdik”.
Jurnalist Ekspert Mərkəzi
