Jurnalist Ekspert Mərkəzi Azərbaycan
Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə
yardımı ilə icra etdiyi layihənin ikinci verilişini hazırlayıb. Verilişlər Missiya TV internet kanalının studiyasında çəkilərək yayımlanır.
“Şəhid ailələri və qazilərin ən
etibarlı dayağı həmişə dövlətdir” adlanan layihə çərçivəsində verilişin
qonağı Azərbaycan Qazilərinin Sosil Durumunun və Hüquqlarının Müdafiəsi İctimai
Birliyinin sədri, keçmiş hərbi hissə komandiri, qazi Xudu Xudiyevdir
İyulun 1-dən başlayaraq 3 ay müddətində 8 dəfə yayımlanacaq verilişlərin aparıcısı layihənin rəhbəri, JEM sədri
Ceyhun Musaoğludur.
Layihənin məqsədi şəhid ailələri və
qazilərin hüquqlarının qorunmasına təkan olmaq, bu təbəqənin təmsilçilərinə yönələn
dəstək xarakterli fəaliyyət barəsində ətraflı məlumat vermək, çatışmazlıqları şəffaf
şəkildə göstərməkdir.
Verilişlərdə şəhid ailələrinin nümayəndələri
və qazilər qonaq qismində iştirak edirlər.
Son iki verilişin qonaqları isə rayon
icra hakimiyyətlərinin Vətən müharibəsi iştirakçıları və şəhid ailələri ilə işin
təşkili şöbələrinin rəhbərləri olacaq.
Xatırladaq ki, Jurnalist Ekspert Mərkəzi
2022-ci il kiçik qrant müsabiqəsində “Şəhid ailələri və qazilərin ən
etibarlı dayağı dövlətdir” layihəsi həyata keçirmişdi. Layihə çərçivəsində
imtiyazlı təbəqənin təmsilçiləri olan ictimaiyyət nümayəndələri və bu sahəyə
cavabdeh olan dövlət orqanlarının rəsmiləri, xeyriyyəçi iş adamları hazırlanan
verilişlərin qonaqları olmuşdular. “Şəhid ailələri və qazilərin ən
etibarlı dayağı həmişə dövlətdir” layihəsi 2022-ci ildə gerçəkləşən layihənin
davamı hesab oluna bilər.
Bəsirə Həsənzadə
