Toplum TV ötən aylarda Abzas Media ətrafında
yaşananların eynisi ilə üzləşdi.
“Toplum”un ofisində aparılan axtarışların səbəbi barədə
hələlik rəsmi məlumat açıqlanmasa da, Abzas Media-ya yönələn ittihamların təkrarlanacağı
ehtimalı böyükdür.
Əldə etdiyimiz məlumata görə, Toplum TV Qərb dairələrindən,
o cümlədən bəzi Avropa ölkələrindən qeyri-qanuni vəsaitlər əldə etməkdə və
onları qanunların şərtlərindən kənar şəkildə xərcləməkdə günahlandırılır.
Mənbə xəbər verir ki, budəfəki axtarışlar daha dərin
qatlara gedib çıxacaq və əldə ciddi faktlar var. O faktlar Qərb institutlarının
Azərbaycana göndərdiyi çirkli pulların bəzi jurnalistlərin əli ilə yenidən təmizlənməsini
və qanunsuz əməllərin törədilməsi yönündə xərclənməsini özündə etiva edir. Həmin
jurnalistlərin bir qisminin Toplum TV ətrafında toplandığı deyilir.
Pullar keçmiş sovet ölkələri vasitəsi ilə Bakıya
çatdırılıb. Öncə adsız kartlar çıxarılıb və vəsait Gürcüstana, ordadan da
Bakıya göndərilib.
Mənbə onu da vurğulayıb ki, terror təşkilatlarının
maliyyələşməsi üsulundan geniş istifadə olunub. Əsas məqsəd Azərbaycanda
qarışıqlıq yaratmaq, hakimiyyətlə xalq arasında etimadsızlıq mühiti
formalaşdıraraq, xüsusən Azərbaycanın Qarabağ problemini həll etməsindən əndişələnən
Qərbin çirkin maraqlarını ölkədə şəxaləndirməkdir.
Çox güman Toplum TV-nin ofisində həyata keçirilən
axtarışların ardından Azərbaycana qarşı qərəzli mövqeyi ilə seçilən bəzi beynəlxalq
təşkilatlar prosesi mediaya qarşı təpki kimi dəyərləndirəcək. Obrazlı desək, suyu
bulandırıb balıq tutmaq sevdasına düşəcəklər. Təbii ki, istintaq bütün
ittihamlara tam aydınlıq gətirəcək.
Artıq xarici mediada qarayaxma kampaniyasına
başlanılıb. Adi gözlə baxmaq kifayətdir ki, bu böhtan kampaniyasının arxasında ABŞ-ın dayandığı aydın görünsün.
ABŞ müxtəlif ölkələrdə eyni əməli törətməkdə ad
çıxaran ölkədir. Öz daxilində isə belə əməllərə imza atanları anındaca zərərsizləşdirir.
Özünə rəva bilmədiyini Azərbaycana yaşatmaq arzusu ilə alışıb yanan ABŞ atəşlə
oynadığını, bu atəşin özünə alət etdiyi insanları yandırdığına heç əhəmiyyət də
vermir. Məsələn, Abzas Medianın bir qrup əməkdaşı həbsxanadadır, ABŞ-ın, o cümlədən
Qərbin nəzarətində olan beynəlxalq təşkilatların tükləri də tərpənmir. Hərdən bəyanatlar
səsləndirirlər, bu mətnlərsə həbsdəkilərin işini nəinki yüngünləşdirir, əksinə
daha da çətinə salır. Bir daha aydın olur ki, əlaltıya çevrilən həmin gənclər
xaricdə hazırlanan məkrli planın detallarıdır.
Mediaekspert.az
