Rusiyanın "Birinci kanal"ının saytından "Zaman göstərəcək" ("Vremya pokajet") proqramının mayın 7-də efirə gedən buraxılışı silinib.
"Mediaekspert" Oxu.az-a istinadən xəbər verir ki, həmin verilişdə mövcud olmayan "Dağlıq Qarabağ" adlı qurumun adının keçdiyi təhrif edilmiş Azərbaycan xəritəsindən istifadə edilmişdi.
Sözügedən süjet daha əvvəl rəsmi Bakının sərt reaksiyasına səbəb olmuşdu.
Azərbaycan Xarici İşlər Nazirliyi bəyan etmişdi ki, belə xəritənin Rusiya dövlət kanalında nümayiş etdirilməsi ciddi təxribat və yolverilməz siyasi manipulyasiyadır.
Ölkənin ictimai sektoru da bu verilişin əleyhinə bəyanatlar yaymışdı.
