Qafqazı yenidən münaqişə ocağına çevirmək istəyən Qərb
bu dəfə Paşinyana Zelenski və Saakaşvilinin taleyini yaşatmağa hazırlaşır.
Ermənistanın baş naziri siyasətdə piyada olduğu üçün Vətən
müharibəsindəki rəzil məğlubiyyətindən sonra erməni xalqının yenidən onun partiyasını
hakimi-mütləq etməsini dəyərləndirə bilmədi. Erməni xalqı xəstə təfəkkürün məhsulu
olan “Böyük Ermənistan” virusundan xilas olmaq naminə Paşinyanın hərb meydanındakı
məğlubiyyətinə səs verdi. Baş nazirləri də “mən Ermənitana vahid kadastr qoymaq
istəyirəm deyərək” başının əhəng daşına dəydiyi təəssüratını yaratdı.
Uzun çəkmədi. Ermənisanın Fransanın girovunda olduğu, Qərbin Cənubi Qafqazla bağlı çirkin planının maşasına çevrildiyi həqiqət müstəvisinə çıxdı. Sülh razılaşmasına hazır olduqlarını dəfələrlə bəyan edən rəsmi İrvanın sükançısı dərəyə düşən ölkəsini uçurumun sonuncu dib nöqtəsinə sürükləyir.
Ermənistan militarizasiyaya məruz qalıb, sürətlə silahlandırılır. 30 il qonşusu Azərbaycanın
torpaqlarını işğalda saxlayaraq həmin ərazilərdə daşı-daş üstündə qoymayan vəhşilik
özünü demokratiya, insan haqqları carçısı kimi sırıyan Qərbin qan saçan dəstəyi
ilə yenidən vüsət ala bilər. Halbuki BMT indi kağız parçası olan o dövrün 4 qətnaməsi
ilə Ermənistanın qəsbkar olduğunu təsdiqləmişdi. İndi həmin qəsbkara açıq dəstək
olmaq şeytana xidmət etməkdir.
Azərbaycanın erməni vandalizmdən hansı məşəqqətlər
yaşadığını əks etdirən bütün dəhşətli faktların qarşısında kor və kar olan beynəlxalq
təsisatlar 44 günlük müharibə günlərində yenə həyasızlıq salaraq rəsmi Bakını prosesi
dayandırmağa səsləyirdi. 30 il erməni vəhşiliyinə bir dəfə “dur” deməyənlər, 30
min dəfə bəyanat imzaladılar. Əlbəttə, biz deyən oldu. Biz deyən haqq deyəndir.
Regionda sülhü Azərbaycan yaratdı.
Gülməlidir, deyilmi? Paşinyan sülh konfransına dəvət
olunur, orada çıxış edir, gopa basır… Nə danşır danışsın, haqq eşidənlərin
qulaqlarına bu sözlər çatır: “Hə mən Şuşada yallı gedirdim, Arsax dövlətinin
yarandığını söyləyirdim, “Qarabağ Ermənistandır” deyirdim, Gəncədə, Tərtərdə, Bərdədə
dinc azərbaycanlıları qətlə yetirirdim, mina xəritlərini vermirdim, Zəngəzur dəhlizinin
açılamasına imza atmırdım, Sülh sazişini imzalamırdım”… Qərb elə bu kimi əməllər
sahibini “sülh göyərçini” adı altında qarğa kimi uçurdar.
Bu budaqdan o budağa qonmaq, ağacı budaq-budaq gəzmək dövlət rəhbərinə yaraşmaz, Nikol cənabları. Fransadan aldığın silah, Avropa İttifaqının hərbləşmiş missiyasını daha da genişləndirməsi, Aİ-nin özünü NATO kimi aparması, Kanadanın prosesə qoşulması, ABŞ-ın bu missiyaya daxil olacağı ehtimalının yüksək olması, Ermənistan müdafiə nazirinin NATO-nun mənzil-qərargahında rəhbərlərlə görüşməsi naşı rejissorun hazırladığı və səviyyəsiz olduğuna görə tamaşaçına zalı yarıda tərk etmək məcburiyyəti yaşadan tamaşadır.
Heç unutmarıq, Vətən müharibəsi ərəfəsində Azərbacan
Prezidenti İlham Əliyev 35-ə yaxın nüfuzlu xarici KİV orqanına müsahibə verdi. Əksəriyyəti
qərəzli və qeyri-obyektiv olan fikirlər əsasında hazırlanan suallar sərrast
cavablara məruz qalaraq əriyib suya döndü. Müharibə bitən kimi o su ilə üzlərini
yuyaraq ayılan həmin mətbu orqanların ölkələri xüsusən alternativ enerji sahəsində,
Qarabağdakı tikinti-quruculuq, ticarət işlərində Azərbaycana əməkdaşlıq təklifləri
ünvanladılar. 2022-ci il iyunun 18-də Azərbaycanla Avropa İttifaqı arasında
enerji memorandumu imzalanması mərasimində Ursula Von der Leyenin söylədiyi
fikri xatıraladaq: Azərbaycan Avropanın "təchizat təhlükəsizliyi və iqlim
neytrallığına gedən yolda həlledici tərəfdaş olacaq”.
Qərbə məsləhət görürük ki, Azərbaycan barəsində bir daha
dəqiqliyi ilə öyrənsin. Açar hadislər də verək:
- Dünyanın bacarmadığı işi bacardı.
- İşğaldan azad olunmuş cəhənnəmə döndərilən ərazilərdə
cənnət yaradır, həm də təkbaşına.
- Xankəndini erməni quldurlarından təmizləyib, həm də cəmi 23 saat 51 dəqiqəyə, həm də terrorçu "liderləri" başıları ayaqlaarı arasında bakıya gətirməklə.
- Türk ölkələri birliyinin genişlənməsi prosesində lokomativdir.
- Yürütdüyü siyasət bütün ölkələrlə dostluq münasibətinin
yaradılmasına xidmət edir.
- Xalq dövlətinə sıx bağlıdır.
Ermənistanı yeni müharibəyə sürükləyib özünə gəlmək
istəyən erməni xalqını bədbəxt etməyin. Bu gün küçələrə düşən Ukrayna xalqı sizə
nifrət edir. Cənubi Qafqazı bölüşdürəsiz deyə, dinc insanların qətlinə fərman
vermək dünyanın çox hissəsini hiddətləndirməkdir.
Qafqazda ikinci Ukrayna bədbəxtliyi yaratmaq məqsədi
güdənlər Ermənistanı, ardından Moldavanı, sonra Gürcüstanı hədəf götürüblər. “Parçala
hökm sür” mahiyyətli murdar siyasətin qarşısında sipər olmaq zamanıdır.
Ceyhun Musaoğlu
