“Cənab Prezident Moskvadakı çıxışı ilə aydın şəkildə izah etdi ki, Cənubi Qafqazda təhlükəsizliyin təmin edilməsi təkcə region ölkələri üçün deyil, bütövlükdə dünya üçün əhəmiyyətlidir”.
Mediaekspert.az xəbər verir ki, bu fikirləri xalqqezeti.az saytına Missiya Media Qrupunun baş redaktoru, Jurnalist Ekspert Mərkəzi İdarə Heyəti sədrinin müavini Nicat Dağlar bildirib.
Jurnalist qeyd edib ki, nəhəng enerji proqramları reallaşdırmaq üçün böyük potensiala malik olan regionumuzun əlverişli coğrafiyası Mərkəzi Asiyanı Qara dənizə bağlamağa imkan verir ki, bunda da təkcə biz yox, hamı maraqlı olmalıdır:
“Hər kəsə faydalı olacaq mühüm ticarət imkanlarından yararlanmaq üçün isə birinci növbədə Azərbaycanla Ermənistan arasında sülh müqaviləsi bağlanmalıdır. Nə qədər tez bağlanarsa,xeyri də hamıya tez dəyəcək".
Bəsirə Həsənzadə
